"Politicians are the same all over. They promise to build a bridge even where there is no river.”¬-Nikita Khruschev
“Manipur Government hoihlou lua”
“I politician te uh chauh thei longal uh”
Hiai a tung a simlaivai leh gamsung kivaihawmna toh kisai a kigente i theihchiat sa uh leh i zaakzaak sa uh ahih i gingta. Banghiam i gamsung a thil hoihlou hong tun chiang in government mohsak a baihlam mahmah, government chau lua, government hoih kineilou, government in a mohpuakna a zoukei a eive i chisuk pah sek uhi. Ahihkei leh thil apai diklou banghiam om chiang in ‘politics’ kigolh eive ichisek uhi. Hun tamzaw ah leng ana dik mah ahi. Adiak in politics bang “dirty game” ahihkeileh “last resort of scoundrels” ahi chi in khangthak, laisiam ten mullit bawl in taisan i sawm sek uh. I gam sung a thil paidikloute ah politician te leh government va mohsak pen i hobby uh mah bang mai in ahiding him in i koih uhi. Himahleh poltics leh governance ichih va nawlkhin theih mawk thil ahikei a, politician te leh government va mohsak mawk pen le a damdawi ahituan sam kei. Politics ka lunglut kei chia politics bangmah a mulou/simlou te leng a hinkhua uh politics in vaihawmkhum thouthou ahi. Mihing i hihsung uh politics taisan theihvual ahikei.
I gamsung, adiak in i District hi’n Manipur hitaleh thil paidan diklou himhim, a system paidiklou mawngmawng. Mipite mawl taktak te heutu gam-le-nam it kichite’n hon pi mang in khemhai in i om sek uh. Hiaite bangziak hiam? Kuate i mohsa di ua? Nam heutute mo? I telching/vawkching uh i sik-le-tang dia palai a i sawlte uh mo? Hi e zenzen. Himahleh mipite moh lou ikichite thei di uam? Kichi theilou ding.
Politics leh governance khawng i lunglut louh luat ziak ua i gamsung hichi lel ahi. Tamtak ten politics i chih chiang in galvan tawi a government kiang a statehood hiam sovereignty/independence hiam va nget sese pen politics in i sim uh. Banghiam a paidiklou ahihkeileh buaina omchiang in government i mohsa pah sosouh ua, eite lah huai government nasemte kihizel. Ei le ei kimohsa, kigensiasia chihna suak. Huaiziak a government hoih i deihleh ei government nasem ten i sepna ah ginomtak a i sep ngai phot. Niteng nek-le-tak zonna ah, government nasem ten i nna ginom tak a i va sep uh kaan a i nam-le-gam adia thupi omlou ahi. Hiai khawng ahi politics diktak. Nasepna a gin om tak a sep a thil paididan tak a paisak.
Bangziak a i dinmun uh hichituak a niam ahia? Adiktak in government apat i gam puah na di sum-le-pai hong pailou ahizenzen kei. Huai le i theihsa vek uh ahi. A zatna di diktak a a kizatlouh ziak hilel ahi. Adiktak a kizang hileh tuni in i dinmun un hiaiten lel a hikei peuhmah ding chih haihvuallouh ahi. Vaigam khawng ah leng min le negu thou uh, hilele na le a kilawm tan seem sam uh. Eilawi Kristian kichite ki-uang zaw. Hiaite bangziak a hong om thei hiam ichih le politics leh governance a i lunglut kei uh, a lunglut te le i lunglut dan uh diklou. Mahni hamphat na di tan lel a lunglut. Government apat i gam puahna dia bangbang hong pai a bangchi kizat ahia chihte kuaman kansui peihlou. A thei khat-le-nih in hon pei lumlet uh. En huaite ahidimah, a paididan mah ana kisai zomah.
Khangthak laisiam tamtakte ngaihdan ahihleh laisiam ding, sepna hoihtak nei ding Lamka taisan a khopi a lungmuang/galmuang takleh nuamtak a mundang a khosak ding, i gamsung ei bawlhoih vual di hilou chih hita. Akua-akua in “Flee Lamka Syndrome” vei mah kibang. I gamsung enkol tu ding om nawnlou. Sepna ziak in miteng Lamka ah khosa theikei mah ni. Himahleh i omna mun chiat apat i hihtheihna lam zong chiat le. Laigelh theiten laigelh ding, RTI file theiten file ding, sum-le-pai a i gam adia pangtheite pang ding. I laizilkhiakte hiam i sepna tungtawn a thu i theihte bangchi leh ka gam-le-nam adia kizang thei dia ahihkeileh thu i theihte midang theihdia kilawm te bang mipi simtheih ding in gelhkhe zelzel theile phattuam mahmah ding in a gintakhuai.
India gam a politician naupang, laisiam leh minthang taktakte enzual le: Rahul Gandhi, kum 40, Modern School, New Delhi, Doon School Harvard leh Cambridge ah lai ana zil. Sachin Pilot, kum 33 lel a upa, India a college hoihpen St.Stephen’s apat a graduate ban ah khovel pumpi a business school minthang Wharton Business School apat MBA zoukhia, MNC khawng ah sem ut hileh khakhat a lakh bangzah a a lohkhiak ding, himahleh poltics ah lut. Tuabang mah in Jyotiraditya Scindia, kum 39 lel a upa, Doon School, Harvard University leh Stanford University te a lai ana zil, tulai a khovel a loh tam penpen a kigen investment banker a Meryll Lynch leh Morgan Stanley ah ana sem khin politics a hong lut ahi. Hiai a a zilna sang taktak te uh gam-le-nam adia hon zat chiang un hong lohching mahmah uhi. Amau politician minthang taktak tate ngen eive uai ichi maithei, a dik. Himahleh MNC minthang taktak khawng a khakhat a tampipi loh a sep sang a mipi leh gam-le-nam nasem dia kipiate ahi uh.
Eite bel laisiam masasa in politics taimang san sawm, politics gamlat dedeuh hileng hang kilawm kasa. Tuni in ei khangthak ten politics i niam et ua, i nawlkhin vual uh ahikei Politics ah lunglut lengle sum-le-pai lou a chinzoh di hiloupi ichi maithei, a dikmah ahi. Himahleh politics ichih pen MLA hiam MDC hiam a va pan ahi sese kei. Miteng in MLA i tuh theikei ua, miteng politics ah i lut theikei uh. Himahleh i hihtheih uh omchiat ahi, awlmoh in panlak sawm le contribution neithei chiat ihi.
Lam tuamtuam ah i pantheihna uh om chiat ding, i sepna toh kisai a thu iva theihte hiam ahihkeileh i va zilkhiak te i gam i nam adia bangchi zat phattuam theidi chihte ngaihtuah in nei gige le. A houpen a genle India Government in govt. paidan a transparency omtheih nading in Right to Information Act bang hon pass a, hiai kha eiten zatdan siam leng i gamsung bawlhoih nading leh i maban politics uah galvan poimoh tak hong hi ngei ding. Thauvui-thautang sang aleng zat phattuam zawk theih ahi. Aziak chu information i deih peuhmah Ch. 10/- lel piak a ngettheih hitel eivoi, Indian sovereignty leh security adia lauhuai pha information ahihkei nakleh government in hon iim theilou ahive. Hiai kha thu awlmoh bang i neihleh RTI khawng file suk ziau a information kaihkhop ding. Huaiban ah tulai a khopi a omten internet access theivek hita. Internet bang leng a zat phattuam theih luat, information tampi muhtheihna, tutmun apat. Nidang dan a information zong a diang vialvial, tai vialvial ngai nawnlou. Tutmun a information deihdeih ban ah mipil misiam te ngaihdan te khawng mekkhiat a sim ziahziah theih hita.
Ei sung a thil paidan diklou te thutuam hitaleh, midang-namdang toh i kisaina uh hiam ahihkeileh i gam a thiltung omchiang in national media khawng a ana tangkoupih ding kisam. Hiaidin khangthakte’n journalism leh mass media lam bang ah lut zungzung leng uthuai. Media poimohna kha i theih ua, a zatdan i siam uh hun lota hi. Naga movement bangziak a hichituk a hat hiam i chihleh amau a history uh, India sepaihten human rights violation te khawng newspaper, magazines, journals leh laibu khawng a gelh zungzung uh, huaiziak a min a thu uh thei ua sympathize uh. Huaiziak mah a India Govt. inle a nawlkhin theilou.
Huaiban ah researcher bang leng kipoimoh mahmah. India gamsung a university tuamtuam a research bawlte bang in i gam, i nam toh kisai thute bang i thesis ding un telthei in, i research paper te bang uh publish ding. University library khawng ah simtheih din omleh deihhuai petmah. Hiai pen politics lam hiseselou in social, economics, history leh culture khawng le deihhuai vek ahi. Khovel theih a i hihna uh, i dinmun un puanzak hun lota ahi. Huaiban ah journal tuamtuam Economic and Political Weekly, Mainstream chihte khawng a eilam thu research bawl a geltheih ding tamsem kipoimoh. Hiaidin khangthakte mah kipoimoh zel. Hiai lampang ah Dr. Vumlallian leh Dr. Khamkhansuan te bang pahtak huai mahmah uh. Amau chauh a hunsak lou in nungthuap tou din khangthakte kisani.
Khangthak, laisiam te politics a i lunglut louh ziak un thilpoi tampi i tuakta uh, i tuaktou zel lai ding uh. Tunaichin a i thiltuah te enle. Manipur solkal in kum 20 sung ina nawlkhin sa uh MDC a hon khemhai in election hon neihpih, en kipahpih mahmah lai. MDC power bang a chihle theilou ngen, a hoihna leh hoihlouhna le theilou ngen khawng ana kihilim. 6th Schedule toh kibang power piak di chi khawng a ei-le-ei kikhem nalai. Hiai khawng khangthakten a Act leh huai nuai Rule kibawlte i study ua, a hoihna hoihlouhna te i pulak zel uh kisam. Hiai toh kisai bang ah Naga te aware mahmah ua, study hoihtak ana bawl in a hoihlouhna bang hon tangkou pih pah uhi. Eiten leng issue tuamtuam ei interest hon sukha thei dite i lunglut ua, i sui ua heutute leh mipiten a theihkei uale i hilh uh kisam. Huai hihtheihdite khangthakte mah hizel.
District boundary thu en ta leuleu le, i pawlten thauthang zang hetlou a a guk a i gam i khua chia i kisaktheihpih mahmahte phaizang district a honna koihsakta uh. Hichibang thilte kha hong tam hiaihiai di. Thautang a kidouhna hilou in tulai in media leh file khawng a kidouna hong tam dedeuh di. Huaite dou dia khangthakte kipat petmah ngaita, laisiam ding, sepna hoih taktak nei ding. IAS, IPS, MCS, MPS, etc tamsem kipoimoh. Khangthakte kisak hun lota a zekai luat ma in. I gam-le-nam toh kisai lunglut ding. Government nasem ten le loh muhna maimai dia seplouh a hiai ka nasep apat ka nam-le-gam adia phatuam bangchi’n ka sem thei dia ahihkeileh ka mi kasa te adia thil poithei dite bangchi’n ka daal theidia chihte ngaihtuah hunta. Huchih ken zaw miten pilsiam tak in i gam hon laksaksak ding uh. A tawpchiang a ei gam mahmah a mikhual kisuak ding. Tripura te thiltuah te khawng i maban uh ahimai ding. Contractor politics chauh sai hun hinawnlou, politics taktak saihun ahita. Huaidin khangthak te kipanta ni.
Kingaihtuah hun ahi ka khangthak pihte. Khanglouta ni. Politics leh governance taisan sawm nawnlou in lunglut ta ni.
All that is necessary for the triumph of evil is that good men do nothing.
-Edmund Burke
I gamsung, adiak in i District hi’n Manipur hitaleh thil paidan diklou himhim, a system paidiklou mawngmawng. Mipite mawl taktak te heutu gam-le-nam it kichite’n hon pi mang in khemhai in i om sek uh. Hiaite bangziak hiam? Kuate i mohsa di ua? Nam heutute mo? I telching/vawkching uh i sik-le-tang dia palai a i sawlte uh mo? Hi e zenzen. Himahleh mipite moh lou ikichite thei di uam? Kichi theilou ding.
Politics leh governance khawng i lunglut louh luat ziak ua i gamsung hichi lel ahi. Tamtak ten politics i chih chiang in galvan tawi a government kiang a statehood hiam sovereignty/independence hiam va nget sese pen politics in i sim uh. Banghiam a paidiklou ahihkeileh buaina omchiang in government i mohsa pah sosouh ua, eite lah huai government nasemte kihizel. Ei le ei kimohsa, kigensiasia chihna suak. Huaiziak a government hoih i deihleh ei government nasem ten i sepna ah ginomtak a i sep ngai phot. Niteng nek-le-tak zonna ah, government nasem ten i nna ginom tak a i va sep uh kaan a i nam-le-gam adia thupi omlou ahi. Hiai khawng ahi politics diktak. Nasepna a gin om tak a sep a thil paididan tak a paisak.
Bangziak a i dinmun uh hichituak a niam ahia? Adiktak in government apat i gam puah na di sum-le-pai hong pailou ahizenzen kei. Huai le i theihsa vek uh ahi. A zatna di diktak a a kizatlouh ziak hilel ahi. Adiktak a kizang hileh tuni in i dinmun un hiaiten lel a hikei peuhmah ding chih haihvuallouh ahi. Vaigam khawng ah leng min le negu thou uh, hilele na le a kilawm tan seem sam uh. Eilawi Kristian kichite ki-uang zaw. Hiaite bangziak a hong om thei hiam ichih le politics leh governance a i lunglut kei uh, a lunglut te le i lunglut dan uh diklou. Mahni hamphat na di tan lel a lunglut. Government apat i gam puahna dia bangbang hong pai a bangchi kizat ahia chihte kuaman kansui peihlou. A thei khat-le-nih in hon pei lumlet uh. En huaite ahidimah, a paididan mah ana kisai zomah.
Khangthak laisiam tamtakte ngaihdan ahihleh laisiam ding, sepna hoihtak nei ding Lamka taisan a khopi a lungmuang/galmuang takleh nuamtak a mundang a khosak ding, i gamsung ei bawlhoih vual di hilou chih hita. Akua-akua in “Flee Lamka Syndrome” vei mah kibang. I gamsung enkol tu ding om nawnlou. Sepna ziak in miteng Lamka ah khosa theikei mah ni. Himahleh i omna mun chiat apat i hihtheihna lam zong chiat le. Laigelh theiten laigelh ding, RTI file theiten file ding, sum-le-pai a i gam adia pangtheite pang ding. I laizilkhiakte hiam i sepna tungtawn a thu i theihte bangchi leh ka gam-le-nam adia kizang thei dia ahihkeileh thu i theihte midang theihdia kilawm te bang mipi simtheih ding in gelhkhe zelzel theile phattuam mahmah ding in a gintakhuai.
India gam a politician naupang, laisiam leh minthang taktakte enzual le: Rahul Gandhi, kum 40, Modern School, New Delhi, Doon School Harvard leh Cambridge ah lai ana zil. Sachin Pilot, kum 33 lel a upa, India a college hoihpen St.Stephen’s apat a graduate ban ah khovel pumpi a business school minthang Wharton Business School apat MBA zoukhia, MNC khawng ah sem ut hileh khakhat a lakh bangzah a a lohkhiak ding, himahleh poltics ah lut. Tuabang mah in Jyotiraditya Scindia, kum 39 lel a upa, Doon School, Harvard University leh Stanford University te a lai ana zil, tulai a khovel a loh tam penpen a kigen investment banker a Meryll Lynch leh Morgan Stanley ah ana sem khin politics a hong lut ahi. Hiai a a zilna sang taktak te uh gam-le-nam adia hon zat chiang un hong lohching mahmah uhi. Amau politician minthang taktak tate ngen eive uai ichi maithei, a dik. Himahleh MNC minthang taktak khawng a khakhat a tampipi loh a sep sang a mipi leh gam-le-nam nasem dia kipiate ahi uh.
Eite bel laisiam masasa in politics taimang san sawm, politics gamlat dedeuh hileng hang kilawm kasa. Tuni in ei khangthak ten politics i niam et ua, i nawlkhin vual uh ahikei Politics ah lunglut lengle sum-le-pai lou a chinzoh di hiloupi ichi maithei, a dikmah ahi. Himahleh politics ichih pen MLA hiam MDC hiam a va pan ahi sese kei. Miteng in MLA i tuh theikei ua, miteng politics ah i lut theikei uh. Himahleh i hihtheih uh omchiat ahi, awlmoh in panlak sawm le contribution neithei chiat ihi.
Lam tuamtuam ah i pantheihna uh om chiat ding, i sepna toh kisai a thu iva theihte hiam ahihkeileh i va zilkhiak te i gam i nam adia bangchi zat phattuam theidi chihte ngaihtuah in nei gige le. A houpen a genle India Government in govt. paidan a transparency omtheih nading in Right to Information Act bang hon pass a, hiai kha eiten zatdan siam leng i gamsung bawlhoih nading leh i maban politics uah galvan poimoh tak hong hi ngei ding. Thauvui-thautang sang aleng zat phattuam zawk theih ahi. Aziak chu information i deih peuhmah Ch. 10/- lel piak a ngettheih hitel eivoi, Indian sovereignty leh security adia lauhuai pha information ahihkei nakleh government in hon iim theilou ahive. Hiai kha thu awlmoh bang i neihleh RTI khawng file suk ziau a information kaihkhop ding. Huaiban ah tulai a khopi a omten internet access theivek hita. Internet bang leng a zat phattuam theih luat, information tampi muhtheihna, tutmun apat. Nidang dan a information zong a diang vialvial, tai vialvial ngai nawnlou. Tutmun a information deihdeih ban ah mipil misiam te ngaihdan te khawng mekkhiat a sim ziahziah theih hita.
Ei sung a thil paidan diklou te thutuam hitaleh, midang-namdang toh i kisaina uh hiam ahihkeileh i gam a thiltung omchiang in national media khawng a ana tangkoupih ding kisam. Hiaidin khangthakte’n journalism leh mass media lam bang ah lut zungzung leng uthuai. Media poimohna kha i theih ua, a zatdan i siam uh hun lota hi. Naga movement bangziak a hichituk a hat hiam i chihleh amau a history uh, India sepaihten human rights violation te khawng newspaper, magazines, journals leh laibu khawng a gelh zungzung uh, huaiziak a min a thu uh thei ua sympathize uh. Huaiziak mah a India Govt. inle a nawlkhin theilou.
Huaiban ah researcher bang leng kipoimoh mahmah. India gamsung a university tuamtuam a research bawlte bang in i gam, i nam toh kisai thute bang i thesis ding un telthei in, i research paper te bang uh publish ding. University library khawng ah simtheih din omleh deihhuai petmah. Hiai pen politics lam hiseselou in social, economics, history leh culture khawng le deihhuai vek ahi. Khovel theih a i hihna uh, i dinmun un puanzak hun lota ahi. Huaiban ah journal tuamtuam Economic and Political Weekly, Mainstream chihte khawng a eilam thu research bawl a geltheih ding tamsem kipoimoh. Hiaidin khangthakte mah kipoimoh zel. Hiai lampang ah Dr. Vumlallian leh Dr. Khamkhansuan te bang pahtak huai mahmah uh. Amau chauh a hunsak lou in nungthuap tou din khangthakte kisani.
Khangthak, laisiam te politics a i lunglut louh ziak un thilpoi tampi i tuakta uh, i tuaktou zel lai ding uh. Tunaichin a i thiltuah te enle. Manipur solkal in kum 20 sung ina nawlkhin sa uh MDC a hon khemhai in election hon neihpih, en kipahpih mahmah lai. MDC power bang a chihle theilou ngen, a hoihna leh hoihlouhna le theilou ngen khawng ana kihilim. 6th Schedule toh kibang power piak di chi khawng a ei-le-ei kikhem nalai. Hiai khawng khangthakten a Act leh huai nuai Rule kibawlte i study ua, a hoihna hoihlouhna te i pulak zel uh kisam. Hiai toh kisai bang ah Naga te aware mahmah ua, study hoihtak ana bawl in a hoihlouhna bang hon tangkou pih pah uhi. Eiten leng issue tuamtuam ei interest hon sukha thei dite i lunglut ua, i sui ua heutute leh mipiten a theihkei uale i hilh uh kisam. Huai hihtheihdite khangthakte mah hizel.
District boundary thu en ta leuleu le, i pawlten thauthang zang hetlou a a guk a i gam i khua chia i kisaktheihpih mahmahte phaizang district a honna koihsakta uh. Hichibang thilte kha hong tam hiaihiai di. Thautang a kidouhna hilou in tulai in media leh file khawng a kidouna hong tam dedeuh di. Huaite dou dia khangthakte kipat petmah ngaita, laisiam ding, sepna hoih taktak nei ding. IAS, IPS, MCS, MPS, etc tamsem kipoimoh. Khangthakte kisak hun lota a zekai luat ma in. I gam-le-nam toh kisai lunglut ding. Government nasem ten le loh muhna maimai dia seplouh a hiai ka nasep apat ka nam-le-gam adia phatuam bangchi’n ka sem thei dia ahihkeileh ka mi kasa te adia thil poithei dite bangchi’n ka daal theidia chihte ngaihtuah hunta. Huchih ken zaw miten pilsiam tak in i gam hon laksaksak ding uh. A tawpchiang a ei gam mahmah a mikhual kisuak ding. Tripura te thiltuah te khawng i maban uh ahimai ding. Contractor politics chauh sai hun hinawnlou, politics taktak saihun ahita. Huaidin khangthak te kipanta ni.
Kingaihtuah hun ahi ka khangthak pihte. Khanglouta ni. Politics leh governance taisan sawm nawnlou in lunglut ta ni.
All that is necessary for the triumph of evil is that good men do nothing.
-Edmund Burke
